Aqquserngit matoqqasut

Politiit suliaqarnertik pissutigalugu aqqusinermik matusigallartariaqarsimasut

Nuummi Paarnanut Kangillinnguanullu akunnerup ataatsip missaani matoqqatinneqarpoq pingasunngormat

Nuummi Nuussuarmi politiit ambulancellu piareersimasut pingasunngornerup unnulernerani

Nuummi Nerngallaanit biilerniartut busserniartullu ingerlasinnaasimanngillat ippassaq pingasunngornermi nalunaaqutaq 18.00-mit 19.00-ip tungaanut. Taamaasilluni aamma aqquserngit Paarnat aamma Kangilinnguit politiinit matoqqatinneqartariaqarsimallutik.

Angut inissiami najukkaminit aallaammik imminut toqunniarluni sioorasaarinerata pissutigisaanik taamatut aqquserngit matuneqarput.

Angutilli politiinik oqaloqateqareerluni iliuuseriniakkani qujanartumik taamaatiinarpaa, aallaasinilu politiinut tunniullugu, politiillu taamaalilutik unnummut arfineq marlunngulersoq assersuinertik taamaatippaat, tamanna KNR-imit allaaserineqarpoq.

Powered by Labrador CMS