kinaassutsimik tillinneq

Politiit: Salloqittaammik ilisarnaateqarneq politiit suliassarinngilaat

Facebookimi kinaassutsimik tillinneq pinerlineqartut aamma Facebookimik aqutsisut akornanni suliassaavoq politiinillu suliassarineqarani, Politimestereqarfimmi unnerluussisuuneq Morten Nielsen oqarpoq

Frederik Elsner (talerpimmi) qatanngutinilu Christian Elsner

Sermitsiaq nipilersortartup Frederik K Elsnerip Facebookimi atuisumut kinaassutsimik tillissimaneq pillugu politiinut suliassanngortitsinissamik piareersaateqarneranik sapaatip-akunnerani kingullermi allaaserisaqarpoq.

– Aterma assermalu Facebookimi allanit ilisarisimanngilluinnakkannit atorneqarnerat taakkualu inunnik chatteqartarnerat arlaleriarlugu paasisarpara, oqarpoq.

Politiit suliassarinngisaat
– Kisianni suliassanik tamakkuninnga suliarinninnissaq politiit suliassarinngilaat, Politimestereqarfimmi unnerluussisuuneq Morten Nielsen nassuiaavoq.

Frederik K. Elsner nipilersoqatigiinni ilisimaneqarluartuni nuannarineqarluartunilu Nanookikkunni erinarsortut taalliortullu marluusut aapparaat.

Pinerlunnerunngitsoq
Inuit allat atini atorlugit salloqittaammik ilisarnaatiliortarnerat aatsaat paasilersimanngilaa. Taama pisoqarnerata kingorna Facebookimut tamakkua nalunaarutigisarpai atuisutullu ilisarnaatit peerneqarnissaat qinnutigisarlugu, kisianni suli arlalinnik takkuttoqartarpoq.

Facebookimili ilisarnaatit salloqittaatit politiit suliassarinngilaat.

– Pinerluttulerinermi inatsit taamaallit sioorasaarinerni peqquserluuteqarnernilu atuuttarpoq. Facebookimi atuisutut ilisar- naat salloqittaataasoq pinerluttuliornerun- ngilaq, Morten Nielsen erseqqissaavoq.

Nipilersortartoq: Allat atera assigalu atortarpaat

Allaaserisaq tamaat Sermitsiami saqqummertumi kingullermi atuaruk, taanna uani aamma pisiarisinnaavat:

Powered by Labrador CMS