Qaqortoq
Politiit qimmimik aallaannissimagunartumik ujartuipput
Kujataani qimmeq aallaaneqarluni ataasinngornermi toqunneqarsimagunarpoq
Qaqortumi politiit ataasinngornermi nalunaaqutaq 09.00 inissiat Paormaliarfiup eqqaani seqqorpalummik tusaasimasumik nalunaarfigineqarput.
Qimmeq aamma aqqunarneqarsimasoq politiinut nalunaarutigineqarpoq.
Tamatuma kingorna politiit sumiiffimmut ornigupput, tassanilu qimmeq aallaaninnerup kingunerigunangaanik aqqunarsimasoq paasivaat.
Takunnissimasunik ujartuisut
- Qimmeq aqqunarsimanermi kinguninngua toqusimasoq, Qaqortumi politiitu tusagassiuutinut nalunaarummi allapput.
Politiillu pisumut takunnissimasunik ujartuipput.
Qaqortumi politiit oqarasuaat 70 11 22 sianerfigalugu attavigineqarsinnaapput.
Inoqarfiit 500 meterit iluani aallaasinik seqqortaarneq inerteqqutaasoq, politiit erseqqissaatigaat.