Politiit qimmii tassanngaannartumik annaassiniaaqataasut
Angut 72-inik ukiulik akunnerit arlallit ujaarineqareerluni Sisimiut Kangerlussuullu akornanni qulimiguulimmik S61-mit toraarneqarpoq Sisimiullu peqqissaavianukaanneqarluni.
Angut utoqqaq iluaalliulernini pissutigalugu nalunaaqutaq 11.30 ikiorneqarnissamik kalerrisaarivoq.
Sumiiffik taamaallaat taaneqartoq
Akunnialuit ingerlareersut aatsaat inuit sisamat angut utoqqaq sumiiffissivaat.
- Sumiiffimmik taasilluni kalerrisaarummik tigusaqarpugut. Annertunerusumilli paasissutissaqarani Nuup Politiivini pingaartuuneq Søren Bendtsen Sermitsiaq.AG-mut paasissutissiivoq. Politiit kingusinnerusukkut uppernarsarpaat inuinnaat timmisartua aamma kalerrisaarummik tigusaqarsimasut.
Politiit qimmii
Ualingaa ujaasinermi qimmit sisamat ikiorsiunneqarput. Qimmit taakku nalaatsornikkut Kangerlussuarmi katersuunneqarsimapput taamaalillutillu ujaasinermi ikiortigineqalerlutik.
Nalunaaqutaq 17:45 Sisimiunukarlutik pisuttuartut aqqutaata affaata missaani angut utoqqaq toraarpaat.
Sisimiunukaanneqartoq
72-nik ukiullip qulimiguulimmik Sisimiuni peqqissaaviliaanneqarnerani toraarsisut ilaannit ilagineqarpoq.
Pisuttuartullu sinneri Sisimiunut pisuttuaannarsimapput.