Pinerluttulerinermi inatsit
Politiit: Pissusissamisuunngitsunik kanngutsaatsuliortoqarneranik nalunaaruteqartoqartarpoq
Eqqunngitsumik tunngavilimmik politiinut nalunaaruteqartoqartarnera pissutaalluni kanngutsaatsuliortoqarneranut atatillugu inatsimmi paragraf 77 politiinit maluginiarneqaqquneqarpoq
Politiit ilaannikkut kanngutsaatsuliortoqarneranik nalunaaruteqarfigineqartarput, tassani nalunaarutiginnittup kanngutsaatsuliortoqarnera eqqunngitsumik nalunaarutigisarpaat.
Taamaattumik kanngutsaatsuliortoqarneranut atatillugu inatsit 77 politiinit maluginiarneqaqquneqarpoq.
Kanngutsaatsuliortoqarpat ima pisoqarsimassaaq:
§ 77. Pinngitsaaliilluni atoqatiginninnermut eqqartuunneqassaaq kinaluunniit
1) nakuuserluni imaluunniit nakuusernissaq sioorasaarutigalugu pinngitsaaliilluni kujannittoq allatulluunniit kinguaassiuutitigut atoqatiginnittoq.
2) inummik katissimanngisaminik iliuutsimut akerlileeriarsinnaanngitsumik kujannittoq allatulluunniit
kinguaassiuutitigut atoqateqartoq.
Imm. 2. Taamatuttaaq pineqassaaq kinaluunniit, iliuuseq imm. 1-imut ilaatinneqarsinnaanngikkaluartoq, unioqqutitsilluni pinngitsaaliilluni kujannittoq allatulluunniit kinguaassiuutitigut atoqatiginnittoq.