Politiit pinngitsaaliisumik ujaarlerput

Nuummi illoqarfiup immikkoortuani Nuussuarmi pingasunngornermi unnukkut pinngitsaaliisoqarneranut atatillugu, Sermersuumi politiit takunnissimasinnaasunik paasissuitissanillu ikiuisinnaasunik ujaarlerput.

Arnaq 45-nik ukiulik
Arnap 45-nik ukiullip pingasunngornermi unnukkut pinngitsaalineqarsimalluni Nuummi politiit nalunaarfigereeraalu, politiit innuttaasunit ikiorneqarnissartik neriuutigaat.

Atuaruk: Pinngitsaaliisarnerit Kalaallit Nunaanni amerlanersaapput

Tunuanit saassussisoq
- Taanna aqqusineeqqakkut Industrivejimit Nuussuarmi Mannguanut ingerlatilluni taama pisoqartoq politiinut pigaartunut nassuiaateqarpoq. Angummillu nalusaminit tassanngaannaq tunuminit saassunneqarpoq. Taamaaleriarluni pinerluuteqartup Starkip tunuanut innaarsukkut uniakalaarpaa, tassanilu pinngitsaalillugu arneriffigalugu, Nuummi politeeq Gedion Quist ilisimatitsivoq.

Tamatuma kingorna pinerluuteqartoq Industrivejikkoorluni amutsiviup tungaanut qimaasoq, arnaq nassuiaateqarpoq.

Angut inuusuttoq
Arnap angut ima isikkoqarnerarpaa:

• Angut kalaaleq
• 20-t missaani imaluunniit ikinnerusunik ukiulik
• 165-170 centimeterit missaani angissusilik
• Timaa nalinginnaq
• Aappaluttumik nasalik, taartunik/qernertunik atisalik aammalu sungiusarluni qarliit 'H'-mik ilisarnaatillit
• Qataattumik nipilik

Ikioqqusut
Politiit maanna inunnik pinngitsaaliinermut takunnissimasinnaasunik, imaluunniit angummut oqaluttuarineqartumut ilisarinnissinnaasunik ikiortissarsiorput.

Saaffiginnissutit tamarmik telefonimut uunga nalunaarutigineqarsinnaapput 70 14 48.