Nuuk
Politiit: Nuummi aqqusinermi ajutoorneq imatut pivoq
Nuummi aqqusinermi marlunngornermi ajutoorneq akiliitsinermik kinguneqarsinnaavoq
Biili ingerlasoq tunuaniit aportimmat marlunngornermi aqqusinermi angallannermi Nuummi ajutoortoqarpoq. Politiit paasisaat malillugit biilip tunorliup biili siunerminiittoq qanippallaarsimavaa. Ajutoornermi inunnik ajoqusertoqanngilaq.
Atuaruk: Assit: Aqqusinermi Nuummi ajutoortut
Marlunngornermi nalunaaqutaq 15.35 Nuummi politiit nalunaarfigineqarput Nuup Nuussuullu akornanni aqqusinermi angallannermi ajutoortoqarsimasoq kinguninngualu politiit ambulancellu ornigukkasuarput. Biilertup aappaa nalunartut pillugit napparsimmavimmi misissorneqarpoq ajoqusersimanngilarli.
- Biilertup aappaata biilip aappaanut ungasissusaa naatsorsornerliorsimannguatsiarpaa taamalu biili siunerminiittoq kigaallimmat tunuaniit aporsimallugu. Pisimasoq taanna akiliisitsinermik kinguneqarsinnaavoq, Nuup politiivini pigaartoq Kunuk Frederiksen Sermitsiaq.AG-mut oqarpoq.
Lastbiilit kranillit atorlugit biilip aappaa ajutoornerup kingorna aqqusinermiit peerneqarpoq.