tillinneq
Politiit niuertarfiutilinnik suleqateqatiginnikkusupput
Niuertarfinni tillinniartarnerit amerliartorneqarnerarnerat politiit eqqortuunnginnerarpaat. Akerlianik niuertarfinni tillinniarnerit nalunaarutigineqartut ikilisimapput, politimester Bjørn Tegner Bay paasissutissiivoq
2016-imi Kalaallit Nunaanni tamarmi ukiuni kingullerni tallimani niuertarfinni tillinniarnerit nalunaarutigineqartut aatsaat taama ikitsigaat. 2016-imi suliassat 587-it nalunaarutigineqarput, tassa 2012-imut sanilliullugit 20 procentinik ikileriarlutik.
2016-imi Nuummi suliassat 341-it nalunaarutigineqarsimapput, tassa 2015-imisut, kisianni 2012-imut sanilliullugu nalunaarutiginninnernik 55-inik ikinnerullutik. Taamaattumik nalunaarutiginnittarnerit amerleriarujussuartutut eqqartorneqartut tassaapput kukkusumik imaluunniit tillinniartoqartuusaarnerarlugu nalunaarutiginnittarnerit, Bjørn Tegner Bay, paasissutissiivoq.
Atuaruk: Niuertarfinni tillinniartorpassuit
Niuertafiit naammagittaalliortarput
Nuummi niuertarfinni arlalinni tillinnitartarnerit tamannalu ilutigalugu politiit ikiuunniaraluartut suliassanillu malinnaatitsisussaagaluit piffissaqannginnerat naammagittaalliuutigisarpaat. Taamatut pinerluttarnerit politiinit qanoq iliuuseqarfigineqarniarpat?
– Niuertarfimmi tillinniartoqarneranik nalunaarutisigaangatta ingerlaannaq tassunnassanerluta imaluunniit niuertarfimmit paasissutissanik pisariaqartinneqartunik, assersuutigalugit videokkut nakkutilliissutinit immiussat – tamakku paasiniaaqqinnitsinni atortarpavut - uatsinnut nassiussisinnaanersut tamatigut nalilersortarparput.
Paasiniaanermi »maannakkorpiaq« takkunnissarput aalajangiisuuneq ajorpoq. Paasiniaanermi pineqartoq tillissimasoq uppernarsarneqarsinnaappat taava soorunami pineqartoq pineqaatississavarput, politimesteri oqarpoq.
Allaaserisaq Sermitsiaq aviisimi kingullermi saqqummertumi tamakkerlugu atuaruk. Aviisi uani pisiariuk: