nunatsinnit
Politiit mianersoqqusipput: Aallaaserlusi
Ullumi Qaqortup avataani angalassagaanni aallaaseqartariaqarpoq. Illoqarfiup eqqaani nanoq takuneqarsimavoq
Annonse
Qaqortumi politiit sapaatiummat ullaap tungaani nalunaarfigineqarput Qaqortup avannamut kangiani 5 kilometerinik ungasissusilimmi nanoq takuneqarsimasoq.
– Qaqortormiut eqqaamiuilu kisimiillutik angalaqqunanngillat. Inassutigaarput inuit illoqarfiup avataanukartut aallaammik nassassasut. Nanoq tikinnaveersaarneqassaaq qanilliniarneqassananilu, Kujataani Politiineersoq Sivalerak Terkeldsen kaammattuivoq.
– Nanoq najugaqarfiup tungaanukartoq takuneqarpat Qaqortumi politiit ingerlaannavik nalunaarfigineqassapput, Sivalerak Terkelsen oqarpoq. Telefonimut 70 11 22-mut sianertoqassaaq.