Politiit kattuffiat: Politiinut ataqqinninneq minnerulersimasoq

Danmarkimi politiinut qunusaari­ sarnerit nakuusertarnerillu ima ulluinnarsiutaalersimatigipput – 30 procentinik amerleriaateqa­ramik – allaat qallunaat politiit ilarpassui atorfimminnit soraa­ginnartariaqartarlutik.

Kalaallit Nunaanni ajornartorsiut taama ilungersunartiginngilaq. Aaqqiagiinngissuteqartarnerali takornartaanngilaq.

Atuaruk: Politiitut ilinniarfik nutaaq

Illoqarfiit pingaarnersaanni ajornartorsiut annerusoq
Nuummi aamma naammattuugassaasarpoq, ajor­nartorsiummi tamaani annerugami, Kalaallit Nunaanni politiit kattuffianni siulittaasuugallartoq aamma Kalaallit Nunaanni politiini sinniisoq Jesper Fleischer oqarpoq.

2014-­imi politiinut tunngatillu­gu suliassanngortinneqartut katil­lugit 45­-uupput. Ukiumi tulliuttu­ mi ikileriarlutik 33­-upput. Ukioq manna maannamuugallartoq 31-­t nalunaarsorneqareerput – 2016­-imilu qaammatit pingasut suli sin­ nerullutik.

Tigusarinninnerni pisartut
- Suliassanngortinneqartartut assigiinngittaqaat, soorlu tigusarinninnernut atatillugu qitseraa­nernit qiterlermillu nittarteriner­nit kiinnakkut tilluinernut aamma niaqukkut isimmitsinernut.

- Taakku oqaatigereerlugit ta­kusinnaasattut, pisut tamarmik po­litiitut sulinermut atatillugu pisi­masuupput. Politiit politiiuneri piinnarlugit pissuteqanngitsumik nakuuserfigineqarsimanngillat, Jesper Fleischer oqarpoq.

Kinaassutsiminnik isertuussinngitsut
Politiit Danmarkimisut nakuu­serfigikulaneqannginnerat immik­kut ittumik pissuteqarpoq.

- Maani politiit Danmarkimi politiinisut kinaassutsiminnik iser­tuisinnaatiginngillat. Illoqarfinni innuttaasut amerlanersaasa kik­kuusugut nalunngilaat, Jesper Fleischer nassuiaavoq, maanilu politiit politiiujunnaartarnerannut qunusaarisarnerit nakuusertar­ nerillu pissutaaneq ajortut oqaati­galugu.

Assit takukkit: Politiit nutaamik oqarasuaatikkut saaffiginnittarfittaarput

Allaaserisaq tamaat AG-mi ullumi pingasunngornermi saqqummertumi atuaruk. Aviisi uani aamma pisiarisinnaavat:

AG Uge 39 2016

Klik her for at læse