Ilulissat
Politiit: Ilulissani ikuallattoqarnerani pinerluttoqanngilaq
Aqqusinermi suliffeqarfiusumi ikuallattoq qanoq aallartissimanersoq, politiit misissuilluareerlutik paasisaqarfigaat
Disko Linep sulliviani quersuanilu decemberip tallimaani ikuallattoq kiassaateqarfiup aamma puujoorfiup eqqaani aallartippoq.Tamannalu tunngavigalugu, piaaraluni ikuallatsisoqanngitsoq politiit nalilerpaat.
Ikuallattumik misissuisartoq
Qaasuitsumi politiit ikuallattoq misissuiffigereerlugu, ilaatigut ikuallattumik misissuisartumik ikiorneqarlutik tusagassiorfinnut tamanna ilisimatitsissutigaat.
Atuaruk: Ilulissani ikuallattoqareersoq qimarnutitsisoqartoq
- Illut ajoqusersimanerisa misissuineq ajornarsisippaat. Takusat aamma misissuinerit ingerlanneqartut tunngavigalugit, kiassaateqarfimmi pujoorfiullu nalaanit ikuallattoq aallartissangatinneqarpoq. Taamaattumillu politiit maannamut pinerluttoqarsimasinnaanera ilimaginngilaat, immikkoortortami pisortaq Kasper Berthelsen ilisimatitsivoq.
Qimarnutsinneqarput
Ikuallattoq annertungaarmi, eqqaani najugaqartut pujoq pissutaalluni qimarnutsinneqartariaqarsimapput, kisianni ikuallattoqarnerani ajoqusertoqanngilaq.
Politiit: Juullip nalaani imatut ikuallattoornaveersaarit