timmisartup ajutoornera
Politiit: Ilaqutaasut paasiniaallutik sianersinnaapput
Timmisartumut ajutoortumut ilaasut ilaqutaat politimestereqarfimmut sianeqquneqarput uunga 36 52 46
Politiit maannakkut misissuleruttorpaat sooq timmisartoq Ilulissanut ullaaq pingasunngornermi milernermini ajutoornersoq. Timmisartoq Dash-8 Ilulissat mittarfiannut minnermini ajutoorpoq, mittarfiullu sinaanut sisoorluni.
Ilulissani anorlerpoq, mittarfimmullu aqqut suli matoqqatinneqarluni.
Timmisartup iluani ilaasut 15-iupput, ilaasullu ilaqutaat nalunngisaallu tupaqqasimassallutik. Politiit nalunaarutigaat annertunerusumik ilaasuni ajoqqusertoqanngimmat. Ilaasunili sisamat ajoqqusernertik pissutigalugu napparsimaviliaanneqarlutik.
- Timmisartumi ajutoortumi ilaasut ilaqutaat Kalaallit Nunaanni Politeeqarfimmut oqarasuaat 36 52 46-imut paasiniaasinnaapput, politimestereqarfimmi atorfeqartoq Lars Kirkegaard nalunaaruteqarpoq.