Politiit: Annaassiniarneq naammassivoq

Uummannap eqqaani malissuaqarneranut annaassiniarnerit massakkut unitsinneqarput.

Den egentlige redningsindsat i forbindelse med flodbølgen i Uummannaq-området er nu afsluttet.

Politiit tugassiuutinut nalunaarummi allapput.

- Nuugaatsimi, Illorsuarni aammalu Niaqornani qimagussortitsineq naggaserlugu, aammalu politiit maanna ilimagimmassuk Nuugaatsiami inuit sisamat maqaasineqartut ajunaarsimanissaat, annaassiniarneq politiit naammassivaat, nalilersorlugulu siumut isigisumik sulinermi politiit sulinerminni pitsaanerpamik qanoq atorneqarsinnaanersut. Piffimmi pissutsit ajornannginnerulersitsippata ujaasineq nanginneqassaaq, politimesteri Bjørn Tegner Bayip nalunaarutaani allassimasoqarpoq.

Ajunaarsimasulli sisami ujarniarneqarput.

- Pissutsit ajornannginnerulersitsippata ujaarineqartunik ujaasineq nanginneqassaaq.

Tamatuma saniatigut ikiuutit pitsaanerpaamik qanoq atorneqarnissaat politiinit naliliiffigineqarsimapput.

Kalaallit Nunaanni Politiit arfininngornerup unnukkuaniilli upalungaarsimanermik oqartussat suliaqarnerat aaqqissuunnerannik akisussaasuusimapput. Tassunga atatillugu suliaqartussat assigiinngitsunik suliaqartussat pilersinneqarsimallutik.

Politiit Danmarkiminngaanneersut aamma upalungaarsimanermik suliaqartussatut atorneqarsimapput. Taamaaliornikkut Kalaallit Nunaani Politiit Qaasuitsumi Politiivinut ajunaarnersuaqarnermut atatillugu sulisunik amerlanersunik ornigutitsisinnaasimallutik.