Nuuk
Politiit: Aningaasarsisoqarnera akunnerup naanerani malunnarpoq
Aningaasarsisoqarnera pissutaalluni Nuummi politiit nalinginnaasumit akunnerup naanerani suliaqarnerusut
Annonse
- Inuit akissarsisimanerat pissutaalluni akunnerup naanerani suliarpassuaqarpugut.
Nuummi politiinit Mads Lynge Christiansen sapaatip akunnerani suliarisimasatik pillugit naliliivoq.
Sapaatip akunnerata siuliani suliarineqartut:
- Angerlarsimaffinni eqqissisaanerit 16-t
- Imigassartutorpallaarsimasut arfineq marluk
- Aqqusinerni eqqissiviilliornerit tallimat
- Socialimut suliassanngortitat sisamat
- Imminut toqunnissamut siorasaarisut marluk
Nakuusernerit:
- Nakuusertoqarneranik nalunaarutigineqartut arfinillit
- Kanngutsaatsuliorneq ataaseq
Peqquserlunnerit:
- Angerlarsimaffinni, pisiniarfinniluunniit tillinniarnerit assigisaallu 18-t
- Aserorterinerit sisamat
Aqqusinikkut angallannermi unioqqutitsinerit
- Biilinik ajutoortut arfinillit
- Aqqusinermi angallannermi inatsimmik unioqqutitsisut pingasut
Immikkut inatsit
- Qimmiut pillugit inatsit pillugu suliaq ataaseq
- SAR atorlugu annaassiniarneq ataaseq