assigiinngisitsineq
Politiit akissarsiaat qassiiliuutaasut
Politimesteri naapertorlugu politeeqarfinnut tikisitat akissarsiaqarnerunerat ilumoortortaqarpoq. – Tamanna akuersaarneqarsinnaanngilluinnarpoq, Partii Naleraq isumaqarpoq
Partii Naleqqamit politiit tikisitat sooq politiinit illoqarfinni sulisuusunit akissarsiaqarnerunerat Naalakkersuisunut Kalaallit Nunaanni Politimesterimut nassuiaaqqusinissaat kissaatigineqarpoq. Anthon Frederiksen naapertorlugu sumi inunngorsimaneq malillugu akissaasersuineq – 1991-imi atortunnaarsinneqaraluartoq – tassa ullumikkut nunami politeeqarfinni suli atuuppoq.
- Tamanna akuerineqarsinaanngilaq, taamaattumillu Naalakkersuisut Kalaallit Nunaannut politimesterimit tamakkiisumik akissummik pissarsiniartariaqarput, Anthon Frederiksen Naalakkersuisunut saaffiginnissutimini naqissusiivoq.
Akissarsiat assigiinngissuteqartut, politimesterip Bjørn Tegner Bayip AG-mut uppernarsarpaa. Danskit politiivi sumiiffimmut tapinik pisarnerannik tamanna pissuteqarpoq.
Akissarsiat assigiinngissutaat pillugu AG-mi atuaruk: