Atisaqarani assit
Politiinut Saaffiginnilerpunga
Arnap inuusuttup atisaqarani assini »ikinngutaalluartumut« nassiuppai. Taamaaliorsimasanngikkaluarporli. Maanna assit qaqugorsuarmut internetimiittussanngorput.
- Quarsaaqaanga kanngusuttorujussuuvungalu. Ittuuallannangaarmat qiarusulerpunga.
Arnap 25-inik ukiullip nalusaminik internetimi atisaqarani assiminik ivertitsisoqarsimanera paasigamiuk taamak qisuariarpoq, assillu taakku atia nalunngikkaanni aamma googlekkut saqqummertarput.
'Ikinngutip' assingi siaruarai
Arnap siusinnerusukkut assilisat ikinngutigilluakkaminut nassiuppai, taassumalu inunnut takornartanut avitseqatigiissutigalugit aallartippai. Naak tigunerisa kinguninngua suujunnaarsissagai arnap erseqqissaatigisimagaluaraa.
- Fuck dem, taanna anguterpassuit assiminik atornerluillutik internetimut ikkussuisimasut eqqarsaatigigaangamigit taamak oqartarpoq.
Arnap ikinngunni nassuiaatinniarsimagaluarpaa, iluatsinngitsumilli. Tamannalu utaqqeqqikkusukkunnaarpaa.
Maanna politiinut saaffiginnissalluni arnaq aterminik saqqummiussiumanngitsoq, AG-lli kinaassusaa nalunngisaa oqarpoq.
Arnat arlallit aamma taamaaliorfigineqarput, suliarlu pillugu AG-mi erseqqinnerusumik atuarsinnaavutit