Nanortalik
Politeeqarfitoqaq tunniunneqartoq
Kommune Kujalliup illu Utoqqaat Peqatigiiffiannut tunniuppaa
Nanortalimmi politeeqarfitoqqap ataatsimiittarfiani borgmesteri Jørgen Wæver Johansen illut Utoqqaat Peqatigiiffiannut tunniunniarlugu takkummat, utoqqaat isaareersimapput kissartutorfissamillu piareersaalereersimallutik.
Nuannaarutaasoq
Pingasunngornermi 24. februar tunniussineq pivoq, Kommune Kujalleq ilisimatitsivoq.
- Qaammaterpassuit piareersareerluni Kommune Kujalliup maanna nuannaarutigalugu illu nuannaarutissatut, ataatsimiittarfissatut sammisaqartarfissatullu atugassanngortippaa, borgmesteri Jørgen Wæver Johansen utoqqarnut takkussimasunut oqarpoq.
Qujasoq
Tamatuma kingorna Isak Petrussen utoqqaat peqatigiiffianni siulittaasoq utoqqaat sinnerlugit kommunimut borgmesterimut kissaatimik piviusunngortinneqarnerannut qujassuteqarpoq.
Taamaaleriarlutik tunniussinermut uppernarsaatit marluinngorlugit atsiorneqarput.