Hash
Polar Seafoodip aalisartut pingasut ikiaroorsimasut soraarsippai
Polar Seafoodip kilisaataatimini hashimik atuinnginnissamut politikkeqarnera asuliinnaanngilaq. Tamanna piinsimi ersarissumik naqissuserneqarpoq.
Polar Nanormi juunip pingajuanni pisarneq malillugu hashimik atuisoqarneranik misissuinermi paasineqarpoq, inuttanit 26-iusunit inuttat pingasut hashimik pujortarsimasut. Taakku ernerluinnartumik soraarsinneqarput tulaffimmilu siullermi niutinneqarlutik, kilisaataateqarfik tusagassiuutinut nalunaarummi ilisimatitsivoq.
Misissuineq taama ittoq
Ulluialuit sioqqullugit Polar Seafoodip kilisaataataani allami, qulaani misissuinermut assingusumik misissuisoqarsimasoq kilisaataateqarfik ilisimatitsivoq. Misissukkalli tamarmik hashitorsimanermut takussutissartaqanngillat.
- Malittarisassanik taama ersaritsigisunik unioqqutitsineq imaannaanngilaq. Kilisaat suliffiuvoq navianartoq, pisunilu tamarluinnarni kikkut tamarmik tamakkiisumik imminnut naatsorsuutigisinnaasariaqarput. Taamaattumik inuttatsinnut tamanut erseqqissaatigisimavarput, aanngajaarniutinik inerteqqutaasunik atuineq sillimaniarnermut navianarsinnaalluinnartoq, aammalu unioqqutitsineq ingerlaannartumik soraarsitsinermik kinguneqartussaasoq, siulersuisuni siulittaasoq Henrik Leth aamma umiarsuaatinut pisortaq Jørgen Fossheim allapput.
- Oqariartuut tamanna aamma umiarsuarni tamani nivinngakkatigut arlalitsigut ersersinneqarpoq. Inerteqqut atortinniarlugu umiarsuaatileqartiiffiup umiarsuaataani naalakkat atugassissimavavut, pisariaqartunik atorluarsinnaasunilllu misissuisinnaanngorlugit, misissuisarnerlu pisariaqartutut suli isigitillugu, misissuisarnerit taama ittut ingerlaannassapput.
Aningaasarpassuarnik naleqarpoq ikinngutaanerlunnerullunilu
Inuttat ataasiakkaat sammisamut tamatumunnga piumasaqaatitsinnik malinnittannginneri aningaasarpassuarnik naleqartarpoq. Avataasiorluni aalisarnermik unitsitsigallarneq namminermini akisuvoq, aammali inuttassat ikisussat nutaat aaneqarnissaat pissutaalluni utaqqisarneq akisulluni.
Taava aamma eqqaaneqassaaq, pineqartut suliffeqarfik kisiat sumiginnartanngimmassuk, aammali minnerunngitsumik suleqatimik isertitassaraluaminnik annaasaqartinnerisigut sumiginnartarlugit. Allatut oqaatigalugu tamanna umiartortuunerlunneruvoq ikinngutaanerlunnerullunilu, tassami suleqatit umiarsuaatileqatigiiffillu sumiginnarneqartarput.
Nersualaarneqarpugut
- Taamaattumik erseqqissassallugu pingaaruteqarpoq, piumasaqaatit sakkortunerusut aammalu misissuinerit eqqunneqarsimasut aqumiussatut ilinniartuutitsinnit akuersaarneqarmata, suliniuterpullu tamanna pillugu nersualaarluta, Henrik Leth aamma Jørgen Fossheim Polar Seafoodimeersut allapput.