'Polar' nunarsuarmi filmfestivalinut annersaannut qaaqqusaavoq

Filmfestivalimi SXSW-imi Texasimi pisartumi filmi 'Polar' takutinneqartussanngorpoq.

Filmini immikkoortuni 'Independant Episodes"-imi akornanniissaaq.

Polar seriatut saqqummertussatut suliaavoq. Super 16-mi ilinniagaqartoq Aká Hansen aqutsisooqataavoq.

- Filmip aningaasaliiffigineqaqqinnissaanut qaaqqusaanerput periarfissiivoq. USA-mi Polar qanoq tiguneqassanersoq pissangagisorujussuuarput. Qanoq naatsorsuuteqassanersugut nalunarallarpoq, qaaqqusaanerpulli nuanneqaaq, Aka Hansen oqarpoq.

Kickstarterimi crowdfunding atorlugu Polar aningaasalerneqarpoq. Nunarsuarmit tamanit filmimut 90.000 koruuninik aningaasalerneqarpoq. Københavnimi Empire-mi ukioq kingulleq takutinneqaqqaarpoq.

Serianut 'Stranger things'-imut 'Skam'-imullu Polar eqqaanartoq naliliisartunit ilaatigut nalilerneqarpoq.