Birna Bjránsdóttir
Polar Nanoq Islandimut ingerlaartoq
Birna Bjránsdóttirip toqutaaneranut suliamut atatillugu Polar Nanoq sivisunngitsumik Reykjavikimi talinngassaaq. KNR taama allappoq.
Annonse
Polar Nanormi inuttat Reykjavikimi eqqartuussivimmi nassuiaateqariartorniassammata kilisaat Reykjavikimut ingerlaarpoq. KNR taama ilisimatitsivoq.
Angut kalaaleq 30-nik ukiulik Birna Bjránsdóttirimut toqutsisimasutut unnerluutigineqartoq pillugu suliaq aqagu aallartissaaq. Tassunga atatillugu inuttat 13-t killisiorneqassapput.
- Polar Nanoq Islandimut ullumi ataasinngornermi apuunnissaa inuttallu eqqartuussivimmi nassuiaateqarnissaminnut piffissaq eqqorlugu takkunnissaat naatsorsuutigaarput, Henrik Leth, Polar Nanormi siulersuisunut siulittaasoq KNR-imut oqarpoq.