Skip to main content

Piukkunnaatillit toqqartukkat Danmarkimi naapeqatigiissapput

Piffissami qanittumi timersuutini assammik arsaannermi, isikkamik arsaannermi, sulorarnermi nerrivimmilu arsaararnermi piukkunnaatillit Aarhusimi naapeqatigiissapput

Timersornermik piukkunnaatillit 26-t Danmarkimi efterskolertut, Aarhusimi naapeqatigiissapput.

Tallimanngornermiik ataasinngornerup tugaanut, sungiusarneq, aalaneq aamma saqqummiinerit inuusuttuaqqat isumassarsisinnissaat angusassamik toraagalimmik sungiusarusussusinitsitsisussamik timersuutigisaminni pikkorinnerpaaffik angunissaanut ikiuutaasussamik.

Nunanut allanut sungiusaasut piukkunnaatilinnillu timersuutinik aallutaminninngaanneersut peqataasunik toqqartuisimapput.

- Elite Sport Greenland siullermeersumik piukkunnaatilinnik Qallunaat Nunaanni naapitsitsissaaq, naapitsitsinerullu siunertarissavaa piukkunnaatillit timersornerup tungaatigut siuariartornissamik nukittorsarnissaat, efterskolernerminni attaveqaatit nukittorsarnissaat, aamma piukkunnaatillit kajumissaarnissaat toraagalimmik timersuutiminni sulissuteqarnissaat, pikkorivissutut
timersortartuunissaq pitsanngorsarnissaa anguniarlugu, Elite Sport Greenland tusagassiuutinut nalunaarummi allappoq.

Naapinneq assingiinngitsunik imaqassaaq, saqqummiinerit pikkorivissutut timersortartuunissamut sunik piumasaqaatitaqarnersoq, assersuutigalugu sungiusarnermik aamma nerissaqarnermik pilersaarusiorneq, eqqarsartaasikkut aamma ilinniagaqarnissamut ilisimasaqarnerulerneq.

- Saqqummiinerit aamma saniatigut sungiusaqatigiissapput aamma timikkut pisinnaasat misilittarneqassapput, siuariartornikkut malinnaaffigineqarsinnaanngorlutik, Elite Sport Greenland allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER