Pituffik
Pituffimmut aalajangiineq ingerlateqqinneqartoq
Pituffimmi kiffartuussinissamut isumaqatigiissutip qanittukkut aalajangiiffigivinneqarnissaa ilimanartoqanngilaq. Pituffimmi kiffartuussinissamut isumaqatigiissutip qanittukkut aalajangiiffigivinneqarnissaa ilimanartoqanngilaq
Suliffeqarfiit marluk nalunaareersimapput Amerikamiut eqqartuussiviata Pituffimmut aalajangiinera eqqartuussivimmut qaffasinnerusumut ingerlateqqinniarlugu.
Taakkua tassaapput Copenhagen Arctic A/S aamma Per Aarsleff A/S. Aalajangiinermut akerliliinissamut piffissarititaq aggustip 18-ianiit aggustip 26-anut kinguartinneqarsimavoq.
Greenland Contractorsimi, Pituffimmut isumaqatigiissummik manna tikillugu piginnittuusimasumi, akerliliinissamut oqaaseqaatissat suli sulissutigineqarput.
Atuaruk: Exelis: Sulisartut tamarmik Pituffimmiiginnarsinnaapput
Suliaq nalilersoqqinneqassaaq
Juulimi eqqartuussivimmi aalajangiisoqarpoq Amerikamiut suliffeqarfiata Exelis Servicesip suliariumannittussarsiuussinermi malittarisassat malissimagai, tamanna peqatigalugu akuersaarneqaraluartoq Amerikamiut sakkutuuinit timmisartortartunit suliariumannittussarsiuussinermi atortut kukkuneqarsimasut, pissutigalugu suliffeqarfiit neqerooruteqartut nunat allamiut ataanni suliffeqarfiattut Danmarkimi inuussutissarsiortut allattorsimaffiannut nalunaarsortissinnaanngitsut.
Atuaruk: Pituffik pillugu isumasioqatigiinnissamut oqaaseqartartut ministeri qaaqqugaat
Aalajangiinermik ingerlatitseqqinneq tassaavoq ‘tusarniaaqqinnermik’ taaneqartoq – tassa nutaamik tusarniaaneq, tassani eqqartuussisut arlallit suliassaq nutaamik nalilissallugu.
Allaaserisaq tamaat Sermitsiami atuaruk, taanna ullumi pisiniarfimmi pisiarisinnaalerpat. Aviisi uani aamma pisiarinissaanut periarfissaqarputit: