Thule-basen
Pituffimmit ilisimatitsinerit unitsinneqartut isumasioqatigiissutigineqassapput
Enhedslistenip Folketingimut ilaasortaatitaata, Christian Juhlip, danskit kalaallillu naalakkersuisuisa Joint Committeemi aamma Permanent Committeemi USA-mik oqaloqateqarnerit unitsissimaneraat paasisinnaanngilaa.
USA-p ukiumoortumik oqaloqatigineqartarnerata unitsinneqarnera aviisip AG-p saqqummiuppaa. Naalakkersuisut taakku marluk inatsisartuisa tunuliaqutaat paasiteqqaarnagit tamanna aalajangerneqarsimavoq.
Aamma atuaruk: Pituffimmit ilisimatitsissutaasartut unitsikkaat
- Naalakkersuisut patsisaat paasisinnaanngilakka. Naalakkersuisut imminnut ajoquserujussuarnerannut aarlerinartoqartorujussuuvoq, USA-millu suleqateqarnerup taamaatinneqarneratigut ataatsimut ajornartorsiutit aaqqinneqarnissaanut periarfissarujussuit annaaneqarput. Tunuliaqutillu paasiteqqaarnagit aamma tamanna pivoq, Christian Juhl tusagassiuutinut nalunaarummi allappoq.
Immikkoortuni sisamani USA-mik suleqateqarnerup pingaartuuneranik taakkartuivoq:
- USA-p sakkutooqarfigisimasaani eqqakkanik toqqorsiviit, ilaatigut Camp Century
- USA-p Pituffiup kiffartuunneqarneranut isumaqatigiissummik tigumminnittunngornera, kalaallit inuiaqatigiit suliffeqarfiinik, ilinniarfiinik aamma akileraarutinik annaasaqarfigisaannik
- USA-p assartuinermut kiffartuussinermik tigusinera, siornatigut Royal Arctic Line suliarisimasaa
- USA-p Pituffimmi radarip pitsanngortinnerani Kalaallit Nunaata sakkutuut sakkuaanneranni qaartartumeerneqaratarsinnaaneranik kinguneqarsinnaasoq
Aviisip paasissutissaatai tunuliaqutigalugit danskit aamma kalaallit nunanut allanut naalakkersuisui Kalaallit Nunaat pillugu ataatsimiititaliami isumasioqatigineqarnissaanut aggersaaniarluni, Christian Juhl ilisimatitsivoq.