Skip to main content

Pituffimmi qinngut 'putunik qernertunik' ujaasissaaq

Qinnguterujussuaq diameterinik meterinik 12-nik angissusilik Pituffiup eqqaani ikkunneqarpoq, tassani 'putup qernertup' tarratut erserneranik nassaarinneqataassaaq.

Nunarput qinngummi meterinik 12-nik diameterinik angissusilimmik parabolilimmik issimasoqarpoq.

Qinngut siorna Nunatsinnukaanneqarlunilu ikkunneqarpoq, maannalu atulerneqarluni nunarsuaq tamakkerlugu qinngutinut atassuteqartunut ilannguppoq. Videnskab.dk taama allaaserisaqarpoq.

Nunatsinni qinngut Pituffimmiippoq.

Qinngut naatsorsuutigineqartutut atorpoq, taassumalu ulloriarsiorferujussuaq ALMA (Atacama Large Millimeter/submillimeter Array) Chilemiittoq attaveqarfigisinnaavaa.

Qinngut suliniummi anguniagartuumut Event Horizon Telescope (EHT)-imut ilaassaaq, tassani qinngutit atorlugit ‘putut qernertut’ assilineqartanissaat anguniagaavoq.

Aamma Videnskab.dk-mi atuaruk: Hvad er et sort hul?

M87 putunik qernertorpassuaqarpoq

EHT atorlugu ilisimatuut putut qernertorsuit marluk assiliniarsariniarpaat, tassa uagut galaksitta qeqqani putu qernertoq, Qilaap Silliani, aamma galaksep M87-ip qeqqani putu qernertoq.

Nunatsinni qinngut M87-p tungaanut sammitinneqassaaq, tassani putoq qernertoq seqernit 6 milliardit amerlassusaattut angissusililik toqqoqqavoq.

Qinngutit allat Chilemiittut aamma Hawaiimiittut aamma tassunga sammitinneqassapput, qinngutillu arlallit imminnut ungasissumik inissisimasut suleqatigiikkunik, putu qernertoq assiliartalerneqarsinnaassaaq.

Chilemit, Hawaiimit aamma Kalaallit Nunaannit attaveqaatit ataatsimoortinneqarpata, galaksemi M87-imi putoq qernertoq assilineqarsinnaanngussaaq.

- EHT-p nunarsuaq tamaat qinnguterujussuanngortittarpaa, parabolillu attaveqatigiinnermi ungasinnerutillutik, EHT ersarinnerusunik assiliisinnaasassaaq, EHT-mi suliniummi aqutsisoq, Sheperd Doeleman, Harvard-Smithsonian Center Astrophysicsimi USA-meersoq taama oqaaseqarpoq.

- Kaalaallit Nunaanni qinngutip nammineq galaksitsinni putoq qernertoq angisoorujussuup pitsaanerpaamik assilinissaanut ikiussavaatigut.

Nunatsinni qinnguteqartinnagu M87-imi putoq qernertoq takuneqarsinnaasimassanngikkaluarpoq.

Allaaserisaq Videnskab.dk-mi atuarsinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER