Thule Air Base
Pituffik pillugu eqqartuussissuserisup misissuinera tiguneqartoq
Naalakkersuisuni ilaasortat Kim Kielsen aamma Vittus Qujaukitsoq Pituffik pillugu eqqartuussissuserisup misissuinera februaarimi Naalakkersuisut sinnerlugit suliakkiissutigisartil tiguaat
Naalakkersuisut siulittaasuata Siumumeersup Kim Kielsenip aamma inuussutissarsiornermut, nunanullu allanut Naalakkersuisup Siumumeersup Vittus Qujaukitsup Pituffimmi sakkutooqarfiup suliarinnittussarsiorneqarnerani Namminersorlutik Oqartussat qanoq sulisimanerat pillugu misissuinissamut Naalakkersuisut eqqartuussissuserisumut Ole Spiermannimut 13. februar suliakkiissutaat tiguaat.
Namminersorlutik Oqartussani inatsiseqarnermut pisortaq Kim Blokbo ilisimatitsivoq.
Atuaruk: Kielsen aamma Qujaukitsoq: Uagut aalajangigassaraarput
Angalasut sulinngiffeqartullu
Dronningip uiatalu Kalaallit Nunaanni angalaneranni Naalakkersuisut siulittaasuat angalaqataavoq 23. julip tungaanut Inuussutissarsiornermullu, niuernermut sulisoqarnermut, nunanullu allanut Naalakkersuisoq maanna sulinngiffeqarallarluni.
Naalakkersuisut siulittaasuat aamma inuussutissarsiornermut, niuernermut, sulisoqarnermut nunanullu allanut Naalakkersuisoq Naalakkersuisunut ilisimatitsereerunik nassuiaammi inerniliussat innersuussutillu tunngavigalugit qanoq iliuuseqartoqassaneranik aalajangiissapput.
Pituffik pillugu atuagassiat allat uani atuakkit