Pituffik

Pituffik pillugu danskit naalakkersuisui isumasiorneqarnerat matoqqassuussaaq

Statsministerip nunanullu allanut ministerip Folketingemi marsip 18-ani isumasiorneqarnissaat matoqqasuussaaq

Statsministeri Helle Thorning-Schmidt, Socialdemokraterne - assi toqqorsivimmit

Isumasiuineq matoqqasoq.

Statsministeri Helle Thorning-Schmidt, Socialdemokraterne, aamma nunanut allanut ministeri Martin Lidegaard, Radikale Venstre, Pituffimmi kiffartuussinissamut isumaqatigiissummi suliffeqarninnut suliarinnittuussinermut sulinerat pillugu marsip 18-ani isumasiorneqassapput.

Kalaallit Nunaata ataatsimiititaliaa ilisimatitsivoq.

Taamaattumik innuttaasut isumasiuinermi peqataasinnaanngillat, tassani tusagassiortut aamma peqataasinnaanatik. Helle Thorning-Schmidt aamma Martin Lidegaard (peqataassagunik) politikkerinit isornartunik isumasiornermik apersorneqassapput.

Amerikarmiut allaffeqarfiini naalakkersuilu suut eqqartorneqarsimanersut assinganik aamma Nunatsinni naalakkersuisut allaffeqarfiinilu peqatigalugit suut eqqartorneqarsimanersut isumasioqatigiinnermi eqqartorneqassapput.

Isumasiuititsinermut aggersaasuupput Venstre, Inuit Ataqatigiit, Konservative, Dansk Folkeparti, Enhedslisten aamma Liberal Alliance.

Isumasiuinerup sooq matoqqasussaanera Sermitsiaq.AG-mit paasiniarneqarpoq. Martin Lidegaardimi januaarip 21-ani isumasiorneqarnerani isumasiuineq ammasuuvoq.

Powered by Labrador CMS