Pituffik: Nunanut allanut ministeriaqarfik USA-mut ikiuinngitsoq

Pituffimmi kiffartuussinissamut suliffeqarfik isumaqatigiissuteqalersumut nunanit allanit pigineqartuunersoq USA-mi silaannakkut sakkutuuisa paasiniaammata danskit nunanut allanut ministeriaqarfiat apeqqutigineqartup akinisissaanut ikiuerusussimanngilaq.

Nunanit allanit suliffeqarfiutigineqartup Exelis Services A/S-ip kiffartuussinissamut isumaqatigiissummik tunineqannginnerani qaammatit pingasut sioqqullugit amerikarmiut silaannakkut sakkutuui danskit nunanut allanut ministeriaqarfiannut saaffiginnissuteqarput.

USA-p silaannakkut sakkutuuinit apeqqutigineqarpoq suliffeqarfiit sisamat qinnuteqartut nunanit allanit aamma suliffeqarfiutigineqarnersut.

Nunanut allanut ministeriaqarfiup maili nassiussaa, Finansimit pappiliaatinik paasissutissanik qinnuteqareernermi kingorna pissarsiarineqartumi, allaqqavoq 'inuussutissarsiornikkut atukkat ilisimaneqanngitsut, taamaasilluni ilisimaneqanngitsoq suliffeqarfiit qinnuteqartut nunanit allanit ingerlanneqartuusut ilisimanagit'.

Ministeriaqarfiup taamaammat inuussutissarsiornermik aqutsisoqarfimmut innersuussivoq.

Professori: Ministeriaqarfik sumiginnaavoq
Suliffeqarfiit inatsisaanut professori CBS-imit Søren Friis Hansen oqarpoq, ministeriaqarfiup akisussaaffini qimarratigisimagaa.

- Danskit suliffeqarfii qinnuteqarsimanersut USA-mit ikiorneqarsullutik paasiniaapput. Danskimmi naalakkersuisuisa kisiartaallutik aalajangersinnaavaat danskit inatsisaat malinneqarnersut, Søren Friis Hansen Finansimut oqarpoq.

Danmarkip, Kalaallit Nunaata USA-llu qaammatini arfineq pingasuni isumaqatiginninniutigaat kiffartuussinissamik isumaqatigiissutigineqartoq suliffeqarfik Danmarkiminngaanniissasoq Kalaallit Nunaanninngaanneersuussanersorluunniit. Taamaaliorput 1950-ikkunni isumaqatigiissut malillugu.

Ministeriaqarfiup iliuusaa tupigineqarpoq
Suliffeqarfiup nunanit allanit aqunneqartussaannginnera nunanut allanut ministeriaqarfimmit erseqqissumik ilisimatitsissutigineqarpoq, tamanna Finansip allappaa.

Taamaattorli tamanna danskit inatsisaanni ilaanngilaq. Suliffeqarfik Exelis Services A/S nunanit allanit suliffeqarfiutigineqarpoq, tamanna Vectrusip atorluarpaa.

- Inuussutissarsiornermik aqutsisoqarfiup aperineqarnissaa nunanut allanut ministerianit ilisimaneqarpoq. Kisianni sooq siusinnerusukkut taamaasiortoqanngila? Kingusinaarlutik paasivaat tamanna ilisimasimanagu, Søren Friis Hansen oqarpoq.