Pisuunnginneqarput

Islandimi nutaarsiassaqartitsiviup Fréttir-ip nalunaarutigaa Polar Nanumi inuttat marluk ullumi sisamanngornermi eqqartuunneqaramik pinngitsuunerartut.

Sapaatini akunnerni marlunni politiinit tigummigallagaanissaat eqqartuussisoq aalajangerpoq.

Eqqartuunneqartut pinngitsuunerarput. Eqqartuussinermi oqaaseqarusussimanngitsut Islandimi politii Grímur Grímsson nalunaarpoq.

Suna pillugu pasillerneqarnersut ilisimatitsissutigineqanngilaq. Politiit pisumut misissuinertik pissutigalugu paasissutisseerusunngillat.

Birna Brjánsdóttirip periarfeerunneqarneranut ilisimannittutut pasillerneqartut nutaarsiassaqartitsivik RUV allappoq.

Tigummigallarneqartut pingajuat qaqagu eqqartuunneqassanersoq ilisimaneqanngilaq.