Kammertonen
Pissuserissaarlusi - qujanaq
Oqaatsit ilaatigut kusananngeqisut atorneqartarput allaaserisanut oqaaseqaateqartoqaraangat. Pissuserissaalaarlusi
Sermitsiaq.AG-p oqaaseqaatinik nakkutilliisua piffissami matumani ulapippoq, oqaaseqaateqartarfinni oqaatsit sakkortuut atorneqartarmata.
Arfininngorneq manna oqaaseqaatit pingasut mattunneqarput. Nalinginnaasumik iluaqutaasarpoq pissuserissaarnissaq qinnutigigaangartsigu, ullumili oqaaseqaatit ilaat sakkortusimaqaat, oqaasipilunnertallit aammalu kusananngeqisunik oqaaseqatigiittallit.
Aaqqissuisoqarfiup eqqaasitsissutigerusuppaa killiligaanani oqaaseqarsinnaaneq tassaammat nammineq allaatigisat akisussaaffiginerat. Killiligaanani oqaaseqarsinnaatitaaninnik atuinerit narrunarsaataasinnaavoq, misigissutsit atorlugit oqallinnermi oqaatsit sakkortuut atoraangakkit. Taamaattumik aaqqissuisoqarfiup qinnutigissavaa oqallinnermi tamatta malinnaaffigisinnaasatsinnik pissuserissaaqqullusi.
Aamma atuaruk: Oqaaseqaateqarnermut najoqqutassat, malittarisassat piumasaqaatillu