skak

Pissartap skakkertarneq atuarfimmi skemamut ilanngukkusuppaa

Qallunaaq skakkernermi pissartaq Nunatsinni borgmesterinut toqqaannartumik allappoq, meeqqat inuusuttullu atuarfimmi ikiornissaannut neqerooruteqarluni. Kommuni ataaseq ''soqutiginnilluarpoq''.

skak
Skakkerneq nunani allani atuarfippassuarni atuartitsinertut atorneqartarpoq, meeqqat matematikkernerannut allatigullu nukittorsaasarnera pissutigalugu.
Henrik Danielsen meeqqanik inuusuttunillu ikiuiartorluni Nunatsinnukarusuppoq.
Skakkerneq nunani allani atuarfippassuarni atuartitsinertut atorneqartarpoq, meeqqat matematikkernerannut allatigullu nukittorsaasarnera pissutigalugu. Ritzau FotoHenrik Danielsen meeqqanik inuusuttunillu ikiuiartorluni Nunatsinnukarusuppoq. PrivatfotoSkakkerneq nunani allani atuarfippassuarni atuartitsinertut atorneqartarpoq, meeqqat matematikkernerannut allatigullu nukittorsaasarnera pissutigalugu. Ritzau FotoHenrik Danielsen meeqqanik inuusuttunillu ikiuiartorluni Nunatsinnukarusuppoq. PrivatfotoSkakkerneq nunani allani atuarfippassuarni atuartitsinertut atorneqartarpoq, meeqqat matematikkernerannut allatigullu nukittorsaasarnera pissutigalugu. Ritzau FotoHenrik Danielsen meeqqanik inuusuttunillu ikiuiartorluni Nunatsinnukarusuppoq. Privatfoto

Neqeroorut nalinginnaanngitsoq skakkertartumit pissartamit Henrik Danielsenimeerpoq, taanna skakkertitsinikkut meeqqat malinnaalluarnerannik, isumaliorluarneranni aamma imminut tatiginerannik nukittorsaalluni iluatsitsisimavoq.

Nunanit allanit misilittakkat
Taanna nuliani peqatigalugu nunani assigiinngitsuni meeqqanut skakkerluni unammiuaartitsinernik aaqqissuisarsimapput: Danmark, Kalaallit Nunaat, Island, Namibia aama Tyskland.

- Skakkernikkut pisinnaasanik kalaallit meerartaasa amigaatigisaannik ineriartortitsisinnaaneq misilittagaqarfigaarput. Meeqqat qallunaatut paasisinnaanngikkaluartut aamma immikkut ittunik unammilligassaqaraluartunik iluatsitsinikorujussuuvugut, Henrik Danielsen borgmesterinut allappoq.

Aappariit skakkernermi periarfissat atorluarniarlugit ''meeqqat anguniarlugit'' ilinniartitsisut peqatigalugit Kalaallit Nunaannut nuunnissaminnut, borgmesterinut saaffiginnissummi tamanna oqaatigineqarpoq.

Aningaasaqarneq unamminartoq
- Kommunit arlallit suleqatigiippata aningaasaqarnikkut sinaakkutit unamminarunnaassapput, sukkasuumillu aallartinniassagatta, pissartaq skakkertarnermik avatangiisimik uummaarissumik pilersitserusuttoq, meeqqanuinnaq iluaqutaasussaanngitsumik aamma Kalaallit Nunaannut malunniuteqalersitsisussamik, takornariaqarnermullu inuussutissarsiornermullu iluaqutaasussamik ilungersuuteqarpoq.

Skakkertarnerup inuussutissarsiutigilinnginnerani pissartaq psykiatriimik suliaqarpoq. Nunani arlalinni, Islandimi Norgemilu skakkertarneq atuarfimmi skemanut ilaatinneqartoq taassuma ilisimatitsissutigaa.

Isumaliorulussinnaanermik sungiusaasartoq
Skakkernerup meeqqat isumaliorulussinnaanerannut eqqarsarneranullu sungiusaaqataasarpoq, saniatigullu nutaanik isumassarsiorneq ilinniartarpaat.

- Naleqquttumik isumaliornissamut pitsaasumillu aalajangernissamut ilinniartarput. Skakkernikkut meeqqat iluatsitsinermik misigisaqartarput, tamatumalu imminut tatiginerat ineriartortittarpaa. Misissuinerit amerlasuut takutippaat, meeqqat atuarnermut aamma matematikkimumt pikkorinnerulertartut, Henrik Danielsen oqarpoq, taanna siornatigut inunnik isumaginninnermik paarnaarussivinni, tarnimikkut napparsimasunut aamma suliffeqanngitsunut ornittakkani nunani assigiinngitsuni suliniuteqarnermik suliaqartarsimavoq.

Soqutiginnittoqartoq
Henrik Danielsen maannamut Nunatsinni borgmesterimit ataatsimit akissutisisimavoq.

- Qeqqata Kommunia akissuteqarpoq, taakkulu soqutiginnittorujussuupput, Henrik Danielsen ilisimatitsivoq, taanna 1996-imi pissartanngornikuuvoq.

Powered by Labrador CMS