Nikinneq

Pisortatigoortoq: Krusep Naalakkersuisut qimappai

Siumumi politikeri aalisarnermut, piniarnermut aamma nunalerinermut naalakkersuisutut tunuarpoq

Karl-Kristian Krusep piniarnermut, aalisarnermut aamma nunalerinermut naalakkersuisutut atorfimminit tunuarpoq

Naalakkersuisut siulittaasuata Kim Kielsenip (S) Inatsisartut ataasinngornermi ammarneranni, piniarnermut, aalisarnermut aamma nunalerinermut naalakkersuisoq, Karl-Kristian Kruse (S), atorfimminit tunuarniarluni qinnuteqarsimasoq ilisimatitsissutigaa.

- Karl-Kristian Kruse piniartutut inuunermut uterniarami naalakkersuisutut tunuarniarluni qinnuteqarpoq. Qinnuteqaataa akueraara, naalakkersuisutullu sulineranut qujavunga, Kim Kielsen Inatsisartut oqaluttarfiani oqarpoq.

Atuaruk: KNR: Karl-Kristian Kruse Naalakkersuisunit anissaaq

Saniatigut oqaatigaa, taassuma parteeqataa Nikolaj Jeremiassen piniarnermut, aalisarnermut aamma nunalerinermut naalakkersuisunngortoq.

Inatsisartuniiginnassasoq
Karl-Kristian Kruse nunaqarfimmit Uummannap eqqaani Niaqornaneersoq, novembarip 28-ani 2014-imi Inatsisartunut qinersisoqarnerani kingullermi 341-nit qinerneqarpoq.

Naalakkersuisutut atorfini qimakkaluarlugu, Inatsisartuni ilaasortatut ingerlaqqissaaq.

Powered by Labrador CMS