inatsisit
Pisortat peqquserluttut parnaarunneqartalernissaat amerlanerussuteqarluartut tapersersoraat
Naalakkersuisoqatigiit illuatungiliuttullu unammilleqatigiinnermut inatsisip sakkortusineqarnissaa tapersersorpaat. Pisortat suliarinnittussarsiuussinerni annertuumik peqquserluttut pinerluuteqarsimasunut isertitsivimmiittussanngortitaasalersinnaallutik
Unammilleqatigiinnermut inatsisip sakkortusineqarnissaanik siunnersuut Inatsisartuni oqaluuserineqarmat minutsialunnguit ingerlanerinnaanni Siumup, Inuit Ataqtigiit, Atassutip, Demokraatit aamma Partii Naleqqap siunnersuut taperserpaat.
Inatsisissatut siunnersuummik saqqummiussisuupput Naalakkersuisut, taannalu pingasunngormat apriilip 9-anni aappassaaneerneqarpoq.
Aaqqissuusseqqinnermi immikkoortoq pingaartoq tassaavoq siunissami suliariumannittussarsiuussinernut atatillugu annertuumik peqquserluttoqarsimatillugu pisortat pinerluuteqarsimasunut inissiisarfimmut pineqaatissinneqarsinnaalernissaat. Taamaasillunilu suliassat taamaattut aningaasanik peqquserlunnertut allatulli isigineqalissapput.
Allaaserineqartoq tamaat aviisimi Sermitsiami atuarneqarsinnaavoq. Aviisi ataani pisiarineqarsinnaavoq: