Pisortat namminersortullu suleqatigiillutik aningaasaliinissaannik pilersaarut inuiaqatigiinnut akisuunngorsinnaavoq

Nuup illoqarfittut ilassaa Siorarsiorfik 4-5 miliardinik koruuninik naleqassagatinneqarpoq, ineriartortitsinissamut pilersaarut aningaasarsiornikkut imminut napatissasoq, suliniummik aqutsisoq Per Bendix oqarpoq.

- Matumanili pineqarluni pilersaarutip imminut akilersinnaanissaa, ima paasillugu kommunip sanaartortitsinissai soorlu atuarfiliornerit paaqqinnittarliornerillu pisortat namminersortullu suleqatigiillutik aningaasaliifgissagaat, ingerlatsinermullu aningaasartuutit kommunimit isumagineqassallutik, Per Bendix Sermitsiamut oqarpoq.

200 mio koruuninik nalilik

Roskilde Universitetimi professorip OPP-millu pilersaarusianik ilisimatuup, Ole Helby Petersenip tikkuarpaa, politikerit innuttaasullu suliniutip piffissamut unga­sinnerusumut kingunerisassaannik tamak­kiisumik isiginnissinnaanissaat pingaarute­qartoq, tamannalu ajornakusoorsinnaaqaaq.

- Tamanna Kalaallit Nunaata ukiuni qulikkaani aningaasarsiornikkut ingerlanerliorneranik kinguneqarsinnaasoq, taassuma oqaatigaa, tamatumalu peqatigisaanik maluginiaqqullugu, aningaasalersueria­atsimi pineqartumi, pisortat namminer­sortullu suleqatigiillutik aningaasaliisarne­ranni pilersaarutinik paasiuminaatsunik suliaqartarneq aningaasarsiutigineqarlu­artartoq, pilersaarutit piviusunngortinne­qarnersut piviusunngortinneqannginnersul­luunniit apeqqutaatinnagit.

- Langeland Kommunemit assersuutissaqarpugut, tappavani politikerit siullermik pisortat namminersortullu suleqatigiillutik aningaasaliinerisigut atuarfittaartik nuannaarutigisorujussuuaat, kingusinnerusukkulli paasilerlugu naatsorsuutigisaraluaminnit 200 millionit koruuninik akiliinerusariaqar­lutik, professori Ole Helby Petersen, oqarpoq.

Allaaserisaq Sermitsami saqqummersumi kingullermi tamaat atuaruk: