pisortaq tunuartoq

Pisortaq soraartut paasissutissanik isertuussisimavoq

Suliffimmit peersitaanermik aningaasarsiornermilu pinerluuteqarsimasutut pasilliutit saqqummiunnaversaarneqarsimapput Carsten Frank Hansenip namminersorlutik oqartussani atorfinitsinniarneqarnerani

Allaat Danske Andelskassers Bank toqqaannartumik aperineqarsimavoq Carsten Frank Hansenip tassani suliunnaarnera pillugu. Paasissutissallu pissarsiavut pasitsannartoqarsimanngivipput. Aamma ajuusaarnarpoq suliffimmit peersitaasimanera pillugu Greentop Greenland A/S oqaluttuarsimanngimmat, Svend Hardenberg oqarpoq

Aningaasaqarnermut nunamullu namminermut naalakkersuisoqarfimmi pisortaq Carsten Frank Hansen atorfimminit tunuarnermini ajunngitsorsiassarsissanngilaq. Maanna paasinarsivoq suliffigisimasamini pisut pillugit toqqarlugu aperineqartarsimagaluarluni paasissutissat pingaarutillit saqqummiunnaversaarsimagai.

Carsten Frank Hansen Danske Andelskassers Bankimi sulinermini aningaasarsiornermi pinerluuteqarsimasutut pasineqalereerluni namminersorlutik oqartussani atorfininnissaminut atsiorsimavoq. Sulisitsisorilikkanili oqaluttuussimanngilaa aningaasarsiornermi pinerlussimasutut pasisaalereerluni.

- Una pisoq sioqqullugu tatiginninneq pilersimagaluartoq maanna peerutivissimavoq, Naalakkersuisut siulittaasuata naalakkersuisoqarfiani pisortaq Svend Hardenberg Sermitsiaq.AG-mut oqarpoq.

Taassuma Carsten Frank Hansen ataasinngornermi ualikkut ataatsimeeqatigisimavaa Berlingske Businessimi saqqummiunneqarmat aningaasarsiornikkut pinerluuteqarsimasutut pasisaasunut ilaasoq.

- Nammineerluni ingerlaannaq soraarniuteqarpoq. Aamma soraarnerminut atatillugu ajunngitsorsiassarsitinneqassanngilaq, Svend Hardenberg oqarpoq.

Soraarneratali aqaguani apeqqut uteqattaartuarneqartoq tassaavoq qanoq isilluni paasissutissat Carsten Frank Hansenimut taama pingaaruteqartigisut saqqumminngitsoorsinnaanersut. Namminersorlutik Oqartussat Ramsdal Gruppen Danmarkimiittoq siunnersortigalugu Vittus Qujaukitsup naalakkersuisoqarfiani pisortassamik pissarsiortoqarsimavoq.

- Pisimasoq pillugu Ramsdal Gruppen nassuiaateqaqquara. Paasinarpoq Carsten Frank Hansenip allami sulinermi nalaani piliarisimasai sulisitsisuusimasunit saqqummiunnaversaarneqarsimasut., Allaat Danske Andelskassers Bank toqqaannartumik aperineqarsimavoq Carsten Frank Hansenip tassani suliunnaarnera pillugu. Paasissutissallu pissarsiavut pasitsannartoqarsimanngivipput. Aamma ajuusaarnarpoq suliffimmit peersitaasimanera pillugu Greentop Greenland A/S oqaluttuarsimanngimmat, Svend Hardenberg oqarpoq.

Carsten Frank Hansenip tunuarnera pillugu annerusumik Sermitsiami tallimanngornermi saqqummertussami atuarsinnaavutit.

Powered by Labrador CMS