Pisortani sulisut suli amerliartorput
Naak Kalaallit Nunaanni innuttaasut amerliartunngikkaluartut, pisortani atorfeqartut amerliartuinnavipput
Namminersorlutik Oqartussani aamma kommunini atorfeqartut suli amerliartortut Naatsorsueqqissaartarfimmit saqqummiunneqarpoq. 2015-mi 10.171-it pisortani sulipput, 2017-mi 10.536-iusut.
Inatsisartuni politikkerit oqaluttuaraluarput pisortani sulisut ikilisarneqartariaqartut - killormulli ineriartortoqarpoq.
Piffissaq tamakkerlugu sulisarneq atorfillit akunnerit suliffigisimasaat malillugit naatsorsoqqitaapput. Piffissap ilaannaanut atorfillit imaluunniit akunnialunnguani sulisimasut sulinerisa sivisussusaat malillugu naatsorsorneqarput. 2015-mi 18.161-it, 2016-mi 18.251-it kiisalu 2017-mi 18.428-it pisortani sulipput.
Kommunini atorfinititsinerit arlaqarput, tassami 2015-imit 2017-mut 227-inik atorfinititsisoqarpoq. Piffissami tassani Namminersorlutik Oqartussat 139-nik atorfinititsivoq.
Kisitsisitigut paasissutissat pisortat akissarsialerivianni nalunaarsuutit tunngavigalugit suliarineqarput.
Piffissaq tamakkerlugu sulisartut amerlassusaat procentinngorlugit, suliaqarfik malillugu:
