kalaallit nunaat misigiuk
Pisissimik piniarneq soqutigineqaraluttuinnartoq
Umimmammik tuttumilluunniit pisisseq qarsorlu atorlugit pisaqarsinnaanissaq nunanit allanit soqutigineqaleriartorpoq
– Pisissimik qarsumillu periarsinnaanngornissamut sungiusangaatsiarsimasariaqarpoq. Uumasumullu taqissorluni qanillattorneq nuannersuusutut isumaqar gineqartariaqarpoq, Frank Feldmann, Kalaallit Nunaanni pisissimik piniarsinnaanermik inatsisitigut ajornarunnaarsitseqataasoq oqarpoq.
2012-imi umimmassinnaanissaq akuerisaavoq, aappaaguanilu pisisseq qarsorlu atorlugit tuttumik pisaqarnissaq aamma ajornarunnaarluni.Frank Feldmann naapertorlugu pisissimik qarsumillu piniarnissaq pisariugaluaqisoq nunanit allanit soqutigineqaleriartorpoq.
Takornariat arlaqaleriartuinnartut uumasunik anginngitsunik soorlu ukallinik teriannianillu kiisalu puisinik pisaqarnissamut aamma akuerisaarusuttalerpoq. Tamannali suli ajornarpoq, Kalaallit Nunaanni uumasut tamarmik immikkut nalunaarutitaqarmata, taamaattumillu inatsisinik immikkuullarissunik allannguisoqartariaqarluni.
Nunani allani nalinginnaasumik imaappoq, umimmammik pisaqarsinnaaneq akuerineqaraangat, uumasut aallaasinik imassakinnerusunik pisarineqarsinnaasunik aamma pisaqarsinnaaneq akuersissutigineqartarluni.
Allaaserisaq tamaat atuaruk aamma Kommune Kujallermi pisut annertuut anikitsullu takukkit. Sapaatip akunneranut saqqummertartumik Tamanut Kujataani akeqanngitsumik uani aasinnaavat: