ulluinnarni pisartut
Pisiffimmi Islandimiut nioqqutissiaat pisiarineqarsinnaasut
Nuummi Pisiffik Islandimiut nioqqutissiaannik, soorlu skyrimik, immunnik, salaatinik, agurkinik mamakujuttunilli nioqquteqalerpoq. Islandimiullu nioqqutissiaat akimikkut naleqquttut pitsaalluinnartullu, pisisartunit iluarineqarluarput
Immuk kinertoq skyr - Islandimiut immummit nioqqutissiaat, yoghurtimut eqqaanarsinnaasoq, orsukitsorlu, aallartissutigineqarpoq. Pisiffimmi pisisartunit apersuutigineqarluartarpoq, pisiassanillu pisiniartarnermut immikkoortoqarfik Islandimiut allanik, kalaallinut sunik neqerooruteqarsinnaanerannik, misissuilerpoq.
- Skyrip saniatigut immunnik allanik nutaanik aamma kærnemælkinik tikisitsisarniarluta aalajangersimavugut, Danmarmikimiillu pisiarissagaanni, timmisartukkoortillugillu akikinnerujussuupput, pisiniartarnermut tuniniaanermullu pisortaq Niels Andersen oqarpoq.
Immuk Danmarkimeersoq 1 liiteri nutaaq assersuutigalugu timmisartukkut tikisillugu pisisartumut 50 koruunimik akeqassagaluarpoq, Islandimeersorlu 1 literi 30 krouunilerlugu pissarisarineqarsinnaavoq.
Allaaserineqartoq Nuuk Ugeavisimi atuarneqarsinnaavoq. Nuummi pisartut pillugit aviisimi aamma allanik atuartoqarsinnaavoq. Nuuk Ugeavis akeqanngitsumik ataani aaneqarsinnaavoq: