naatsorsuutit
Pisiffik sinneqartoorujussuartoq
Pisiffik 2016-imi 70 mio. koruunit missaannik sinneqartoorpoq.
Ukioq 2016 Pisiffimmut ingerlalluarfiuvoq.
Pisiniarfeqarfik akileraarutinut ilanngaatit pinnagit 69,3 mio koruuninik sinneqartoorpoq. 2015-imut sanilliukkaanni 10 procentimik qaffariaateqarluni.
Kaaviaartinneqartullu qaffariarput 1.183 milliardi koruuninut qaffassimalluni, suliffeqarfik tusagassiuutinut nalunaarummini paasissutissiivoq.
Pisiffiup inuiaqatigiinnut milliardi affai sinnerlugit aamma aningaasaliisimasoq, suliffeqarfiup paasissutissiaraa.
Aningaasat 111 mio. akileraartarnikkut tupput aammalu nerisassanut akitsuutinut akileraarutinut.
Aningaasat 282 mio. nioqqutissanut aammalu kiffartuussinernut allanut suliffeqarfinnut Nunatsinneersunut tupput.
Aningaasat 135 mio. sulisutsinnut 700 missaaniittunut akissarsiat. Kisitsisip 40%-tia landskarsimut arbejdsmarkedsbidrag-imut aammalu isertitanut akileraarutinut tupput.
Aningaasat 4,1 mio koruunit timersoqatigiiffinnut peqatigiiffiinut, peqatigiiffinnullu allanut aningaasaliissutsitut tunniunneqarput. Ilaatigut ukioq 2017-mi maakku annertunerpaamik tapersersorsimavagut AWG aammalu GIF, aammali ACR, MIO, Peqatigiiffik Kalaallit Meerartaat. Timersornermi pisorpassuit soorlu ilaatigut aamma tapersimavagut makku: ACR aammalu Qaannamik Nunatsinni pissartanngorniunnerit, pisissaartartunut, assammik arsartartunut kiisalu tapiiffigineqartut aamma ilagaat Taikwondo.
- Pisiffik detail-mik aammalu engros-imiik pisiniarfiinnaanngilaq. Inissisimafitta ilaani kisiartaalluta niuertarfittut inissisimasarpugut. Tamanna pisussaaffimmik tunisivoq. Illoqarfimmi pineqartumi pisisartutsigut aammali aningaasatiguttaaq ineriartornissamullu pisussaaffiuvoq, pisortaaneq Per Steen Larsen, tulluusimaarluni tusagassiuutinut nalunaarummi oqarpoq.
Suliffeqarfiup inuiaqatigiinnut aningaasaliissutigisartagaat ukiut tamarluinnaasa qaffakkiartortoq ingerlaatiinnarnissaa kissaatigalugu paasissutissiaraa.
- Ukioq 2017-mi annertuumik uukkatassatta ilaraat, nunatsinni nioqqutissiortut suleqatiginerisa annertunerulernissaat, taamaasilluta annertusassavagut kalaaliminernit aammalu nunatsinneersunik tuniniaanerput, Per Steen Larsen oqarpoq.