naliuttorsiorneq
Pisiffik marlunnik ukiunik 50-sinngortorsiortitsivoq
Arfininngorneq ulloq 1. juli nalliuttorsiutigineqarput Marie Olsen aamma Pauline Karlsen ukiuni 50-nngortorsiortsitsisut Pisiffimmi. Ilaquttat suleqatillu nalliuttorsiornermi peqataapput.
Sulisut aalajaatsut arfininngornermi kingullermi Pisiffimmi nalliuttorsiutigineqarput.
Pisiffik tusagassiuutinut nalunaarummi allappoq.
Sisimiuniittumi Pisiffimmi Pauline Karlsen-i nalliuttorsiutigineqarpoq, KGH-mi Maniitsumi 16-inik ukioqarluni ilinniartunngorsimasoq, taamanimiillu Pisiffiup pisiniarfiutaaniissimalluni. 1995-ip tungaanut Maniitsumiippoq, naggataatigut pisiniarfiup pisortaatut. 1995-imi Sisimiunut nuuppoq, 2012-i tikillugu pisiniarfimmut pisortaalluni.
Pauline ukiuni kingullerni angallatinut pilersuivimmi tuniniaanermi ikiortaavoq, pisiniat qungujummik piffigiuartagaannik, pisinianullu pitsaanerpaamik ikiuinermik tuniserusuttuartuulluni. Pauline ilisarisimaneqarpoq Pisiffimmi Sisimiunilu arnaasutut pisussaaffimminut ataqqinnittutut, nuannaartuaannartutut, allanillu ikiuerusuttutut.
Ilulissani Marie Olsen nalliuttorsiutigineqarpoq. Marie apersortereernermi kingorna aalajangerpoq suliffissarsiorniarluni, 14-nillu ukioqalernermi kingorna Pisiffiup pisiniarfiini suliuarsimalluni, KGH-p ataani aallartilluni. Marie nunaqarfimmini Oqaatsuni suliffittaarpoq, 1975-i tikillugu pisiniarfimmiiffigisamini, Ilulissanut nuunnissami tungaanut. Tassani pisiniarfimmi aallartippoq, kisiannilu 1978-imi iffiorfittaanut nuulluni, taamanimiillu tassaniilluni.
Marie suliaminik pingaartitsisuuvoq, nalunanngilluinnarporlu poortuivimmi kina naalagaasoq. Qungujorujussuarluni timiusianik kaaginillu poortuisarpoq eqqortumik tulleriinnilerlugit aammalu puussiat, allagartat il.il. tamarmik aalajangersimasunik ineqartinneqarput.