ukiumut naatsorsuutit

Pisiffik 2013-imi ima isertitaqartigaaq

- Unammilleqatigiinneq annertunerulernikuuvoq, Pisiffiup pisortaanera Per Steen Larsen oqarpoq

Pisiffiup Nuuk Centerimi pisiniarfia

Naak nunatsinni aningaasarsiorneq ingerlalluarpallaanngikkaluartoq Pisiffiup 2013-imi angusani naammagisimaarpai.

Pisiniarfimmi kaaviaartitat 10 million koruunit missaannik amerleriarput, ukiumullu 2013-imut naatsorsuutit 973 million koruuniulerlutik. Angusat 2 million koruunit missaannik amerleriarput 59,7 million koruuniulerlutik.

- Nunatsinni unammilleqatigiinneq annertunerulernikuuvoq, pisisartullu pisisarnerat annikilleriarluni. Pisiniarfimmi akigitinneqartut pisisartunit malinnaaffigineqarnerulernikuupput, tassani neqeroorut bonusiClub atorneqarlualeriartorluni. Taanna atorlugu pisiassanik akikinnerusunik nioqqutaasunik pisisoqarsinnaavoq, inuillu 22.000-it missaanniittut ilaasortaallutik, Pisiffiup pisortaanera Per Steen Larsen oqarpoq.

- Kalaallit Nunaanni aningaasarsiorneq 2014-imi aningaasarsiornissatsinnut apeqqutaassaaq. Akissarsiaq pisissutaasinnaasup annikilleriarnissaa naatsorsuutigaarput, tamannalu kinguneqarlussinnaavoq. Suliffissaaleqinerup alliartornera aningaasartuutillu amerliartornerat soorunami aamma uagut malugisarparput, nioqqutissammi angallanneqarnerat qaffanneqarnikuupput, Per Steen Larsen nassuiaavoq.

Powered by Labrador CMS