Hellefiskefiskeri
Pisassiisarneq eqqaannerusoq, suleqatigiinnerunissarlu isumaqatigiissutigaat
Qaasuitsup kommuniani qaleralinniarnerup eqaannerusumik qaninnerusumillu suleqatigiissutigineqarnissaa, Borgmester Ole Dorph-ip aamma Aalisarnermut, Piniarnermut Nunalernermillu naalakkersuisut Karl Lyberth-ip isumaqatigiissutigigamikku naammagisimaarpaat.
Isumaqatigiit marluullutik, qaleralinnik pisassiisarnerup eqaanerusumik pisarnissaa, anguniarpaat.
- Ullumikkut periutsit suleriutsillu qitiusumik naalakkersuisoqarfimmiit pisarput. Qaasuitsup kommuniani illoqarfinnilu suliarineqartartut eqaallisarnerunerusariaqartut isumaqatigiissutigineqarpoq. Kiisalu Qaasuitsup kommuniata Naalakkersuisoqarfiullu akornanni suleriutsit pitsaanerusumik eqaannerusumik suleqatigiiffiulluartumillu ingerlanneqarsinnaanerat.
Borgmester Ole Dorph aamma Aalisarnermut, Piniarnermut Nunalerinermullu Naalakkersuisup Karl Lyberth, atsioqatigiissimanertik isumaqatigiissutigigaat, tusagassiuutinut nalunaaruteqarput.
Uneqataarani aalisarusuppoq
Ilulissani umiatsiaararsortut ilaata Mannarsi Nielsen-ip tusakkani iluarisimaarpaa, umiatsiaararsortutut uneqattaarluni aalisartarneq taassuma nalunngilluinnarpaa.
- Atuutitaassaguni, iluaallassooq aalisarneq ingerlaannarsinnaassappat. Akiligassat unitsinneqarneq ajorput, taamaattumik unitsinneqaqqataarnarta aalisarsinnaassagutta assut ajorinngilara, Mannarsi Nielsen ningittakkaminik paassusiutigaluni oqarpoq.
Qaasuitsup Kommuniani aalisarnermilu Naalakkersuisoqarfimmi atorfilittat suliakkerneqarput, suleqatigiinnissap nutaap aalisarnerup eqaannerulernissaannik kinguneqarniartussap, qanoq periuseqarluni ingerlanneqarnissaa anguniarlugu. Siunnersuereerpata tamanna toqqammivalugu Karl Lyberth aamma Ole Dorph piffissami qanittumi naapeqatigeeqqissasut tusagassiuutitigut nalunaarummi oqaatigineqarpoq.