Aalisarneq
Pisassat qineqqusaarutigaat
Qaleralittassat saarullittassallu amerlinera illuatungiliuttut MSC Grønlandillu akierlilerpaat pisassat qaffannerat isumatusaarnerunngitsoq unnerlugu
Nungukkiartuutaanngitsumik atuisuunermut ilisarnaamik MSC-mik peqalernissamik sulissutiginnittut ilisimatuussutsikkut uppernarsaatissaqarsorinngilaat avannaani qaleralitassat amerlinissaat.
Illuatungiliuttut Inuit Ataqatigiit isumaqarput pisassanik qaffaaneq qineqqusaarutaannaasoq, naalakkersuisooqataasullu Siumup saarullittassat amerligaluartut suli sullugai.
Uummannami Upernavimmilu qaleralittassat 9.500 tonsimut inissinneqarput Qeqertarsuup tunuani 9.200 tonsinik pisassiisoqartoq. Aqutsiveqarfinni taakkunani pisassiissutit ilisimatuussutsikkut inassutaasunit amerlanerungaatsiarput Upernaviup eqqaanut 6.300 tonsit, Uummannamut 6.000 tonsit kiisalu Qeqertarsuup tunuanut 8.000 tonsit inassutigineqarmata.
Allaaserineqartoq aviisimi AG-mi februaarip 25-ani saqqummersumi tamaat atuarneqarsinnaavoq. Aviisi ataani pisiariuk: