ullumik malunnartitsineq
Pinnguaqataagit: Unnuk ataaseq peerartaarit
Mikrofoni tamanut ammassaaq, nipilersortoqassaaq qitinnermillu pinnguartoqassalluni - immaqalu ulloq ataaseq peerartaarsinnaavurtit? Nuummi Katersortarfimmi tarnikkut innarluutillit ulluat nalliussineqassaaq
Ullumi arfininngornermi apriilip 5-anni Nuummi Katersortarfimmi Tarnikkut innarluutillit ulluat 2014 nalliussineqarpat aliikkusersuisoqarluassaaq. Tamanna pissaaq nalunaaqutaq 13-imiit 16-imut.
Esekias Therkelsen tikilluaqqusereerpat Kommuneqarfik Sermersuumi kommunalbestyrelsimut ilaasortaq Malene Lynge oqalugiassaaq.
Tamatuma kingorna Juaaka og Co. aliikkusersuissapput mikrofonilu kikkunnut tamanut ammassaaq. Naggataatigull kalaallit qitinnermik pinnguaatitoqaat ´Issittaajaa-pappattaajaa´ tassa peerassarsiorneq qitinneqassaaq.
– Nuannissaqaaq, Juaaka Lyberth tusagassiorfinnut nalunaarummi allappoq.
Tarnikkut innarluutillit ulluat aaqqissuunneqarpoq peqatigiiffinnit suliffeqarfinnillu assigiinngitsunit, tarnikkut innarluutilinnut attuumassutilinnit. Tamanna pivoq Kommuneqarfik Sermersooq suleqatigalugu.