Skip to main content

Piniartut utoqqaliartuinnarlutillu ikiliartorput

Kalaallit piniartut agguaqatigiisillugu utoqqaassusaat 1993-mili ukiunik arlalinnik qaffattarsimapput. Aammattaaq ikinnerusut piniariartarput - sunngiffimmi pinialuttartut aamma inuussutissarsiutigalugu piniartut.

1993-mi agguaqatigiisillugu utoqqaassusaat 38-miippoq, siornalu sunngiffimmi pinialuttartunut aamma inuussutissarsiutigalugu piniartunut 46-miilluni.

Kisitsisit nutaat

Naatsorsueqqissaartarfik aatsaat siullermeerluni kalaallit piniartut pillugit paasissutissat saqqummiuppai. Sunngiffimmi pinialuttartut piniarnermut allagartaat 2002-mi amerlanerpaasimasut, kisitsisit aamma takutippaat, tassani 10.000-t piniarnermut allagartaqarput. Kisitsisit taakku 2017-imi 5.000-nut ikileriarput. Taamaalilluni sunngiffimmi pinialuttartut amerlassusaataffaannanngorlutik.

Inuussutissarsiutigalugu piniartunut tunngatillugu 1993-mi inuit 4000-iupput, taakkulu aamma affaannanngorput, kisianni 2000-iunerat nikeranngilaq.

Avannaata Kommuniani amerlanerpaasut

Avannaata Kommuniani inuussutissarsiutigalugu piniartut amerlanerpaapput, tassani piniarnermut allagartallik 2017-mi 1.010-nik amerlassuseqarput, taamaalillutillu inuussutissarsiutigalugu piniarnermut allagartat affaata missingaat.

Sunngiffimmi pinialuttartut akornanni ingammik Kommuneqarfik Sermersuumi inuttuumi 2100-t piniarnermut akuersissuteqarlutik amerlanersaapput, Naatsorsueqqissaartarfimmit kisitsisit tamanna takutippaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER