appat nungulernerat
Piniartut: Ukiormanna appat avaseqaat
Nuummi appat ikinneralaarsuit ukiormanna tunisaapput
- Naanguku appat?
Apeqqut taanna inuppassuarnit Nuummi decembarimi aninneqartarpoq, ukiummi taamaasinerani apparpassuaqartaraluarmat. Appamininnguit Kalaaliaqqami Brugsenillu saani tuniniagaasut paggatiinnaq nungunneqartarput.
Ukiup taamaasinerani appat piniartut isertitsissutigilluartaraluarpaat utaqqilluartariaqassappulli.
- Imaanngilaq appaarutilersoq. Siornatigumuguna sanilliullutik avasinnipilussuusut, Nuummi aalisartut piniartullu peqatigiiffianni NAPP-mi siulittaasoq Johannes Heilmann Sermitsiaq.AG-mut oqarpoq.
Appanniarneq oktoberip 15-at ammarpoq. Qaammatinili marlunngulersuni appat akuttutinneqarsimaqaat.
- Pinngortitaq naalagaavoq. Appat nerisatik malersortuuaat ukiormannalu taakku siornatigornit avasinnerujussuarmiipput. Apparpassuaqarpoq avasiinnartunukku, Johannes Heilmann oqarpoq.