ajunaartoq
Piniartoq misilittagartooq qajaalluni ajunaartoq
Savissivimmiunut piniartut alianartumik tupannaqisumillu misigisaqarput, aaffanniartillutik piniaqatertik qaannaminik kinngunermi kingorna ipimmat
66-inik ukiulik Qillaq Suersaq, Savissivimmi Qaanaap kujataatungaaneersoq, piniartoqatini erninilu inersimasoq angalaqatigitillugit, sikup sinaavaniit aaveq pissatartik aatillugu, qaannaminik kinngunermi kingorna ajunaarpoq maajimi.
Ajunaarneq alianartoq pivoq, qimussit sisamat katillugit tallimanik inuttaqartut, Kap Yorkip eqqaani ullut pingajussaanni piniariartillugit. Qillaq Suersap aaveq pissataq sinaavaniit 100 miiterit missaanni avasitsigisumiittoq naalikkaminik kapissallugu avalaffigivaa.
Aaverli tikillugulu sumik pissuteqarnersumik ilimaneqanngitsumik qaannaminik tassaanngannaq kinnguvoq, taamaattoqartillugu piniaqataasa annilaarsimaqisut pisoq siukimiit takuaat.
Aaveq pissanneqarsimasoq annertuumillu ikilerneqarsimasoq, Qillaq Suersamut ulorianartorsiortitsinngimmat, tamanna qaannaminik kinnguneranut peqqutaasimasorineqanngilaq.
Allaaserineqartoq tamaat Tamanut Avannaanimi atuarneqarsinnaavoq. Qaasuitsup Kommuniani pisut assigiinngitsut aviisimi aamma atuarneqarsinnaapput. Aviisi akeqanngitsumik ataani aajuk: