Madspild

Piniarnermi nerisassanik eqqaasoqartassanngilaq

Tuttukkut umimmakkuillu pisavit neqaa tamaat angerlaattassavat. Piniarnermut, aalisarnermut nunalerinermullu naalakkersuisoqarfiup malittarisassat sakkortusivai

Tuttunut umimmannullu nalunaarutini § 12 naapertorlugu tuttuttanit umimmattanillu neqit tamaasa angerlaanneqartassapput.

Piniakkat timaannik igiinnakkanik nassaarnerup kingorna piniarnermut, aalisarnermut nunalerinermullu naalakkersuisuisoqarfiup erseqqissarpaa pisanit neqit tamarmik angerlaanneqartassasut.
Aamma atuaruk: Tuttut neqaat eqqarneqartut
Tamanna pivoq tusagassiorfinnut nalunaarutikkut, tassuuna aamma erseqqissarneqarluni malittarisassat unioqqutinneqarpata inatsisit malillugit akiliisitsisoqarsinnaavoq aammalu sunngiffimmi inuussutissarsiutigalugulu piniarnermut allagartaq piffissami killilimmik arsaarinnissutigineqarsinnaasoq.

Tuttunniarneq umimmanniarnerlu pillugit nalunaarutini atuuttuni aalajangersakkanik unioqqutitsinermi.

Naalakkersuisoqarfiup paasisimavaa pisat timaannik eqqaasoqartartoq, tamannalu naalakkersuisoqarfiup ilalinngilaa.

Paasissutissat annertunerusut pissarsiarineqarsinnaapput piniarnermut naalakkersuisodqarfiup piniarnermut immikkoortoqarfianut tlf. 34 50 00 saaffiginnilluni, imaluunniit uunga apnn@nanoq.gl

Powered by Labrador CMS