inatsisitigut isumannaassuseq
Pinerluttunik Isumaginnittoqarfiup matoqqaneq ajornartorsiutaanerpaa
Inissiisarfiit siunertaasumit matoqqanerujussuupput isumannaallisagaallutillu. Tamatumani sullitat sakkortuut peqqutaapput, Pinerluttunik Isumaginnittuni pisortaq kalaaleq isumaqarpoq, neriuutigaalu Nuummi inissiisarfissaq matoqqasoq ajornartorsiutip aaqqinnissaanut aqqutaasinnaasoq
Pineqaatissinneqarsimasunut inissiisarfiit pilersinneqarmata ammasuunissaat siunertaavoq inissiisarfimmiittut "pitsaasumik nakkutigineqarlutik" piffissami sivikinnerusumi najugaqarsinnaallutik.
Ullumikkulli pissutsit piviusut allaapput, Eqqartuussissuserisut siunnersuisoqatigiivi nalunaarsuami allapput. Tassani isornartorsiorneqarpoq "Kalaallit Nunaanni inissiisarfiit tassaanerujartortut parnaarussiviit matoqqasut, matui parnaarsimasut kapinartulinnik ungerutissiallit annikitsuararsuarmillu inuiaqatigiinnut avatangiiserisanut attaveqarlutik".
Paarnaarussat allaanerit
Tamannalu eqqortuulluarsinnaasoq Kalaallit Nunaanni Pinerluttunik Isumaginnittuni pisortaq Naaja Nathanielsen oqarpoq.
Naallu innuttaasut inuiaqatigiinnut akuulersitseqqinnissaq kiffaanngissusiiaanermit kissaatiginerugaluaraat inatsisitigullu tunngavissat taamaattuaraluartut inissiisarfinni najugaqartut katitigaanerat allanngorsimavoq.
- Eqqartuussissuserisut siunnersuisoqatigiivisa nalunaaruriaani puigorneqarsimavoq tigummigallarneqartussanik tigummineqartussatullu pineqaatissinneqarsimasunik peqalersimagatta Herstedvesterimut nassiunneqartussaanngitsunik Kalaallilli Nunaanniiginnartussanik, Naaja Nathanielsen oqarpoq.
Tigummineqartussatut pineqaatissinneqarsimasut ”navianarluinnartutut” naatsorsuutigineqarput inissiisarfimmi ammasumiittussaanatik.
Atuaruk: Inuiaqatigiinni sulisitaanermut eqqartuunneqartartut amerligaluttuinnartut
Inissiisarfiit nutaanngilinikuupput
Tigummigallarneqartut suli misissuiffigineqarput, taamaattumillu assersuutigalugu takunnissimasunut akunnerminnilu attaveqartussaanatik tamanna politiit sulinerannut akornutaasinnaammat.
- Inissiisarfimmiittussat assigiinngitsut pingasuupput, taamaallaalli illup ilusaa ataasiulluni, inissiisarfinnilu ”tamanut naammattumik” aaqqiiniartoqartariaqarluni, sumiiffiillu ilaanni sukannernerpaamik aaqqiisoqarsinnaasarluni, Pinerluttunik Isumaginnittuni pisortaq oqarpoq.
- Tamakkulu pineqaatissinneqarsimasunut nalinginnaasunut eqquisarput. Taamaalilluni illuutinut ilusaannullu tunngatillugu ajornartorsiuteqarpoq. Inissiisarfiit ammasut eqqartornissaat ajunngilaq, allarluinnarnilli sullitaqarpugut, taanna oqarpoq.
Siorna ajornartorsiut pillugu allakkiami Pinerluttunik Isumaginnittut nassuerutigaat inissiisarfiit ammasut matoqqavallaalersimasut sakkortuumik pinerluuteqartut nutaat peqqutigalugit.
Atuaruk: Naja H. Nathanielsen Pinerluuteqarsimasunik Isumaginniffimmi atorfikkaanngorpoq
Allaaserisaq tamaat AG-mi sapaatip-akunnerani saqqummertumi atuaruk, taanna ullumi pisiniarfinniilerpoq. Aviisi uani aamma pisiarinissaanut periarfissaqarputit: