Pinerlunnerit kommunefogedimit qungujummik anguniarneqartut

Jensigne Olsen Kangerlummi peroriartorsimavoq. Jensignep angutaa anialu angajulleq Kangerlummi sivisuumik aamma kommunefogediusimapput, taamaattumik suliffia ilaqutariit sungiusimaannarpaat.

- Soqutiginninneq tassanngaanneersimassasoq ilimagaara, Jensigne, sunngiffimmi assigiinngitsunik nuersaanermik aamma nuannarisaqarluartoq, nuannaarluni oqarpoq.

- Sulianni suna nuannernerpaava?

- Sulianni nuannernerpaaq tassaavoq nunaqarfimmiut eqqissisimasuunerat. Eqqissiviilliortoqartillugu, qujanartumik qaqutigoortumik, tamatigut qungujuffigisarpakka, qungujunneralu eqqississutigisaraat takusinnaasarpara.

- Suna unammilligassaasimava?

- Tassanngaannaq sianerfigineqarsinnaaneq suliartortariaqarnerlu unammilligassaapput. Taava imminut upperillunilu tatigisariaqarpoq imminullu annertuumik piumaffigisinnaasariaqarluni.

- Suliffinni suna navianartuusinnaava?

- Qujanartumik suli misigisaqarsimanngilanga. Ajornerpaaq tassaassagunarpoq arlaat aallaaserluni sioorasaarilerpat, uangami aqerlumik pitarneqarsinnaanngitsumik aaqanngitsoqanngilanga. Misigisanni pissanganarnerit kisiannili aamma pikkunarnerit ilaat tassaavoq nanorujussuarmik ungooraluta illoqarfimmit qimagutsitsinerput.

Arnat nalinginnaanngitsumik atorfeqartut marluk aamma aviisimi Arnanumi atuakkit: Qatserisartoq Arnannguaq Petersen Narsameersoq aamma piniartoq Toku Oshima Qaanaameersoq. Aviisi maanna pisiarineqarsinnaavoq, aamma uani pisiarineqarsinnaavoq:

Arnanut Uge 40 2014

Klik her for at læse