inissiisarfik
Pineqaatissinneqartut qaqugu iperagaassanerlutik naluaat
Kalaallit sivisussusiligaanngitsumik paarineqartussatut eqqartuunneqartut sivisunerujartortumik parnaarussaasarput. Tamannalu Nuummi inissiisarfittaassamut ilungersunarsinnaassaaq
1997-imi qallunaaq paarineqartussatut pineqaatissinneqartut agguaqatigiissillugu ukiuni arfineq marlunni qaammatinilu qulini parnaarussaasarput.
2011-mi tamanna ukiunut 14-inut qaammatinullu arfineq marlunnut sivitsorsimavoq. Tamanna Herstedvesterip Parnaarussiviani (siusinnerusukkut Anstalten ved Herstedvester) paarineqartussatut suliat misissorneranni takuneqarsinnaavoq.
Atuaruk: Kalaallit Herstedvesterimi parnaarussat aatsaat taama amerlatigilersut
Inissakilliortoqarsinnaasoq
Kalaallillu pineqaatissinneqarsimasut tamatumani ilaapput. Amerlanertigut allaat sivisunerusumik parnaarussaasarput, taama oqaluttuarpoq Kalaallit Nunaanni Pinerluttunik Isumaginnittuni pisortaq Hans Jørgen Engbo.
Maannakkorpiaq kalaallit 26-t sivisussusiligaanngitsumik Herstedvesterimi parnaarussaapput qulingiluallu Kalaallit Nunaanni inissiisarfinni pineqaatissiissumminnik ingerlatsillutik.
Katillugit Nuummi immikkoortumi matoqqasumi 40-nut inissaqartumi inissiisarfimmiittussat 35-upput, inissalli 20-t paarineqartussanut sivisussusiligaanngitsumillu inissiisarfimmiittussatut pineqaatissinneqarnut tunniunneqartussaareerput.
Arlaqartut sivisuumik qarmat portusuut tunuanneereersimapput sulilu ukiuni amerlanerusuni parnaarussaanissartik naatsorsuutigisinnaallugu.
Atuaruk: Matoqqasumik parnaarussiviup sananeqarnera aallartippoq
Allaaserisaq tamaat AG normu 23-imi atuaruk, taanna aamma uani pisiarisinnaavat: